தமிழக மக்களே தலையில் மண் அள்ளி போட்டு கொள்ள தயாராகுங்கள்

         "தமிழர்களே தமிழர்களே என்னை கடலில் தூக்கிபோட்டாலும் கட்டுமரமாகத்தான் மிதப்பேன் அதில் ஏறி நீங்கள் பயணம் செய்துகொள்ளலாம் கவிழ்ந்துவிடமாட்டேன் "
இந்த வார்த்தைக்கு ஒரு மறைமுக அர்த்தம் உள்ளது
அதுதான் இந்த தலைப்பு
தமிழக மக்களே தலையில் மண் அள்ளி போட்டு கொள்ள தயாராகுங்கள்
தமிழக மக்களே தலையில் மண் அள்ளி போட்டு கொள்ள தயாராகுங்கள்
தமிழக மக்களே தலையில் மண் அள்ளி போட்டு கொள்ள தயாராகுங்கள் 

இந்த செயலை யானைகள்தான் செய்யும் என்று கேள்விபட்டிருக்கிறேன் .அந்த வகை யில் பார்த்தால் தமிழர்களும் யானைகளே .
இந்த தேர்தல் பலகட்சிகளுக்கு எதிர்காலத்தில்  இருப்பதும் இல்லாமல்  போவதற்கும் ஒரு சான்றாக இருக்கும்

தி.மு.க:

                இவர்கள் தமிழகத்திற்கு ஒரு புதிய "திருமங்கல கலாச்சாரத்தை " தோற்றுவித்தவர்கள் .இதற்குமுன்னாலும் இந்த கலாச்சாரம் இருந்தாலும் இவர்களால் ஒரு புதிய பரிணாமத்தை  அடைந்தது .இநதியா முழுவதிலும்  ஒரு மிக பெரும் தாக்கத்தை ஏற்படுத்தியது .இந்த தேர்தலில் இன்னும் ஒரு புதிய பரிமாணத்தை ஏற்படுத்துவதற்கு கட்சி நிதியாக 1 .76 லட்சம் கோடி சேர்க்கப்பட்டுள்ளது. இலவசங்களை அள்ளித்தருவதற்கு" குடிமக்கள் " உருவாக்க பட உள்ளனர் .ஆதலால் தமிழக மக்களே கவலை படாதீர்கள் .
அ.தி.மு.க :

             இவர்களும் அவர்களுக்கு சளைத்தவர்கள் அல்ல .என்ன ஒன்று அவர்களை போல் கட்சி நிதியை வளர்க்கதெரியா தவர்கள். ஆனாலும் இவர்களுக்கு இந்த தேர்தல் ஒரு மிக மிக மிக முக்கியமான தேர்தல் .சூரியனை அஸ்த்தமனம் செய்வதற்கு இவர்களால்  தான் முடியும் கட்சி தலைவி கொடநாட்டில் ஓய்வு எடுக்காமல் கட்சிப்பணி ஆற்றி பிறகு தமிழக "குடிமக்களுக்கு " தொன்றாட்டுவார் என்று நம்புவோமாக . இவர்கள் "மைனாரிட்டியாக" இல்லாமல் மெஜாரிட்டி யாக வருவார்களா பொறுத்திருந்து பாப்போம்
தமிழக காங்கிரஸ் :
   இவர்களுக்கு யார் படத்தை வைப்பதென்றே தெரியவில்லை .இவர்களுக்கு அ.தி.மு.க அம்மையார் அவர்கள் ஆதரவு தெரிவித்திருக்கிறார் தி.மு.க வெளியேறினால் .இவர்களுக்கு உரிய பாரம்பரியத்தை என்றோ இழந்து விட்டார்கள் .சமிபத்தில் மதுரையில் தியாகி கக்கனுக்கு விழா கொண்டாடினார்கள். ஒரு திராவிட கட்சிகளை போல் செயல்பட்டார்கள் .மதுரை முழுவதும் இவர்களுடைய படங்கள் ப்ளெக்ஸ் போர்டாக சந்து போந்து இண்டு இடுக்கு எல்லாம் வைத்துதிருந்தார்கள்.கக்கன் சுடுகாட்டில் இருந்து எழுந்து வந்து மருந்தை குடித்திவிட்டு மீண்டும் சுடுகாட்டில் படுத்திருப்பார் என்றே நினைக்கிறேன் .காங்கிரஸ் காரர்களுக்கு ஒரு வேண்டு கோள் .தயவுசெய்து .பெருந்தலைவர் காமராஜர் பெயரை பயன்படுத்தாதீர்கள் .

.
தே.மு.தி.க :

         இந்த கட்சியின்  செயல்பாடுகள்  என்னால் புரிந்து கொள்ளமுடியவில்லை.இவர்கள் கூட்டணி வைப்பார்களா என்றும் என்னால் கணிக்க முடியவில்லை .விருத்தாசலம் மக்களுக்கு தான் இவர்களை பற்றி அதிகம் தெரிந்திருக்கும் அந்த தொகுதியை சேர்ந்தவர்கள் இதை பார்த்தால் கொஞ்சம் அந்த கட்சியின் கட்சி தலைவரையும் பற்றி பின்னூட்டம் இடுங்கள் .மக்களுக்கு உதவியாக இருக்கும் .ஒரு வேளை விருத்தகிரி படம் தேர்தலுக்குள்  வராமல் இருந்தால்  இவர்கள் வெற்றிபெறலாம்
பா.ம.க :

       இவர்கள் ஒரு கட்சி அந்தஸ்த்திற்கு எப்படி வந்தார்கள் என்று தெரியவில்லை .ஆனாலும் இவர்கள் உதவி மற்ற கழகத்திற்கு தேவைப்படும் ஓட்டுக்காக அல்ல கலகம் புரிவதற்கு .இதற்ககு மேல் இவர்களை விமர்சிக்க எழுத்துவர மாட்டேன்கிறது .

மார்க்சிஸ்ட் /கம்யுனிஸ்ட் :
சமீபத்தில் நண்பர் ஒருவரது ப்ளோகில் கம்யுனிசம் காலாவதியாகி போன  ஒன்று என்று கூறியிருந்தார் .இந்த "தோழர்களால்தான் "  அவர் அப்படி எழுதி இருக்ககூடும் .கம்யுனிசத்தில் ஆராயப்படவேண்டிய பல விடயங்கள் உள்ளன .இன்றைய சூழலில் அதனுடைய பரிணாமம்  இந்த போலி கம்யுனிஸ்ட் களால் சிதைந்து விட்டது .இருந்தாலும் கம்யுனிஸ்ட் களின் உதவி இரு  கழகத்திற்குகொஞ்சம் தேவை  படும் 

ச.ம.க :
      இப்படி ஒரு கட்சி இருக்கா .எனக்கு தெரியாதே 
ம.தி.மு.க:

      இவர்களை பற்றி கூறவேண்டுமா
இன்னும் இருக்கிற 
பிற கட்சி பற்றி எழுதுவதால் என் கண்களும் கைகளும் பாதிப் படைய வாய்ப்பிருப்பதால (கொஞ்ச நஞ்ச கட்சியா இருக்கு ) இத்துடன் முடித்துகொள்கிறேன் .

தமிழக மக்களே எந்த கழகம் ஆட்சிக்கு வரவேண்டுமென்று நீங்கள் தீர்மானிக்க போகிறீர்கள் அதாவுது உங்கள் தலையில் மண் அள்ளி போட்டு கொள்ள தயாராகுங்கள் 

பின்குறிப்பு :
நானும் போன தேர்தலில் மண் அள்ளி என் தலையில் போட்டு கொள்ள நேர்ந்தது . ஆனால் இந்த தேர்தலில் நீர் அப்படி செய்யவேண்டாமென்று எலெக்சன் கமிசன் கூறிவிட்டது.வீடு மாறி விட்டால் பெயரை வோட் லிஸ்டில் இருந்து எடுத்துவிடுவார்களாம். இந்த சட்டம் உங்கள் நாட்டிலும் உள்ளதாஎன்று  ஒபாமா விடம் கூட கேட்டிருக்கலாம் . இந்த ஐந்தான்டிற்கு ஒரு முறை நிகழும் அறிய செயலை செய்யவிடாமல் செய்த எலெக்சன் கமிசன் ற்கு ஒரு மிக பெரிய குட்டு வைக்க சொல்லி ஞாநி யிடம் கூற வேண்டும் (ம்ம்ம்  500 ரூபாய் போச்சே )