காட்டு தர்பார்-1

    

காட்டு  தர்பார் 

  ஓநாய் சேவகர்கள் முகமன் கூற சிங்க ராஜா தர்பாரை நோக்கி நடந்து வர ,மந்திரி நரி ,புலவர்கள் கரடி ,தளபதி சிறுத்தை என அவையோரில் உள்ள அனைவரும் எழுந்து நிற்க ,சிங்கராஜா தனது சிம்மாசனத்தில் அமர்கிறார் ,எல்லோரையும் அமரசொல்கிறார் ,

சிங்கராஜா : ம்ம்ம் மந்திரி அவர்களே 

மந்திரி நரி : மன்னர்மன்னா 

சிங்கராஜா : மாதம் மும்மாரி பொழிகிறதா 

மந்திரி நரி : ம்ம்ம் (பொழியிது பொழியிது ) 

சிங்கராஜா : என்ன சொல்கிறீர்கள் 

மந்திரி நரி :  பொழிகிறது மன்னா ,தங்கள் ஆட்சி அல்லவா 

சிங்கராஜா : ம்ம்ம் நிரம்ப சந்தோஷம் ,நிரம்ப சந்தோஷம் ....... ம்ம்ம் தர்பார் கூடியதற்கான காரணம் என்ன

மந்திரி நரி : தமிழகத்தில் தேர்தல் முடிந்த பிறகு நம் காட்டில் நிறைய பிரச்சனைகள் வந்து கொண்டே இருக்கின்றன 

சிங்கராஜா : அதற்க்கும் நமக்கும் என்ன சம்பந்தம் ,தமிழகத்தில்  இப்போது யார் ஆட்சியை பிடித்திருக்கிறார்கள் 

மந்திரி நரி : ஓயாமல் ஓய்வு எடுத்து கொண்டிருந்தவர் ஆட்சியை பிடித்திருக்கிறார் ,ஓயாமல்  தமிழக மக்களுக்காக உழைக்கிறேன் என்று 
 ஓயாமல் கூறிகொண்டிருந்தவரை தமிழக  மக்கள் இன்று ஓய்வெடுக்க வைத்திருக்கிறார்கள் 

சிங்கராஜா : அப்படியா ....காமெடி பீஸ் கடிவேலு என்ன ஆனார் 

மந்திரி நரி : அதற்குதான் நமக்கு கேப்டன் குஜைகாந்திடமிருந்து செய்தி வந்துள்ளது 

சிங்கராஜா : என்னவாம் 

மந்திரி நரி : பன்னிபோல் போல் வேடமிட்டு இங்கு பதிங்கிருக்கலாம் என்று செய்தி கூறுகிறது 

சிங்கராஜா : விசாரித்தீர்களா 

மந்திரி நரி : இரவோடு இரவாக தளபதியார் சிறுத்தை விசாரித்து விட்டார் மன்னா அப்படி ஏதுமில்லை 

சிங்கராஜா : அப்படியா பாவம் கைப்புள்ள ,சரி தமிழக முன்னாள் முதல்வரின் மகளை சிறையில் அடைத்து விட்டார்களாமே ,அப்படியா 

மந்திரி நரி : ஆமாம் மன்னா ,நேற்று கூட மகளை  சிறையில் சென்று சந்தித்து ,கலங்காதே கலைமகளே என்று ஆறுதல் கூறி வந்திருக்கிறார் ,அவர்கள் வம்சத்தில் உள்ள ஓவ்வொரு குடும்பமும் குடும்பம் குடும்பமாக சந்தித்து கொண்டிருக்கிறார்கள் 

சிங்கராஜா : கண்கள் பனித்தன இதயம் புளித்தன என்று தலைப்பு மாறி இருக்கிறது ,சரி இந்த பக்ட்ரம்  ஊழலை பற்றி என்ன பேசி கொள்கிறார்கள் தமிழக மக்கள் 

மந்திரி நரி : அதுவா மன்னா ,என்னதான் சி .பீ .ஐ  விசாரித்தாலும் பக்ட்ரம்  ஊழலில் கூசா அடித்த காசு  கவுண்டமணி வடக்குபட்டி ராமசாமியிடம் குடுத்த காசுபோல் ஊ ஊ ஊ ஊ என்று பேசி கொள்கிறார்கள் மன்னா 

சிங்கராஜா : ம்ம் தெளிவான மக்கள்தான் 

மந்திரி நரி : ஆமாம் மன்னா ,அவர்களுக்கு தெரிந்ததெல்லாம் ஐந்து வருடத்துக்கொருமுறை மாற்றி குத்துவது 

சிங்க ராஜா : வேறு என்ன செய்தி

மந்திரி நரி : தமிழக தேர்தல் தொடங்கியதிலிருந்தே நம் காட்டில் சட்ட ஒழுங்கு பிரச்சனையை வந்துவிட்டது இப்போது இன்னும் அதிகமாகி விட்டது 

சிங்கராஜா : அப்படியா என் ஆட்சியிலா ,அப்படியென்ன பிரச்சனை 

மந்திரி நரி : ஆங்காங்கே குரங்குகள் தற்கொலை செய்து கொண்டிருக்கின்றன 

சிங்கராஜா : ஏன் 

மந்திரி நரி : குரங்குகளை எல்லாவற்றையும் மீதி மிருகங்கள் டாக்டர் குஜை ,எஸ் .எ .பொந்திரசேகர் என்று அழைக்கின்றனவாம் அதனால் மனமுடைந்த சில குரங்குகள் மருந்தை குடித்தும் ,தூக்கு போட்டும் தற்கொலை செய்துகொள்கின்றனவாம்

சிங்கராஜா : ஆஅ  என்ன செய்யலாம் ,இனி அப்படி கேலி பேசுபவர்களை சிறையில் அடையுங்கள் ,save the  monkey  என்று பிரச்சாரம் செய்யுங்கள் 

மந்திரி நரி : அப்படியே ஆகட்டும் மன்னா ,ஆனால் இன்னொரு பிரச்சனை வந்துள்ளது மன்னா 

சிங்கராஜா : என்ன 

மந்திரி நரி : பச்சோந்தி இனத்தலைவர் தங்களுக்கு ஒரு ஓலை அனுப்பி உள்ளார் 

சிங்கராஜா : ம்ம் படியுங்கள் 

மந்திரி நரி :பாசத்தலைவனுக்கு பாராட்டு விழா எடுக்க போகிறார்களாம் 
 அதற்க்கு தாங்கள்தான் தலைமை தாங்க வேண்டுமாம் 

சிங்கராஜா : அவர்தான் இப்போது ஆட்சியில் இல்லையே 

மந்திரி நரி : அவருக்கு இல்லை மன்னா டாக்டர் குஜைக்கு ,அதுவும் நீங்கள்தான் 
அவருக்கு பட்டம் கொடுக்க வேண்டுமாம் 

சிங்கராஜா : என்ன பட்டம் 

மந்திரி நரி : பச்சோந்தி பகலவன் 

சிங்கராஜா : ஐயகோ அவருக்கு அது சரியான பட்டம்தான் ,ஆனால்  நாம்  அப்படி கலந்து கொள்ளாவிட்டால் 

மந்திரி நரி :  அடுத்த ஆட்சிக்கு புலியை ஆட்சிகட்டிலில் ஏற்றுவதற்கு துணை போவார்களாம் 

சிங்கராஜா : ஆகா எப்படியெல்லாம் மிரட்டுகிறார்கள் ,அப்படி கலந்து கொண்டால் குரங்குகள் ஒட்டு சிதறுமே 

மந்திரி நரி : அவர்களை விட  இவர்கள் தான் அதிக எண்ணிக்கையில் உள்ளார்கள் 

சிங்கராஜா : அப்படியா சரி கலந்து கொள்கிறேன் என்று ஓலை அனுப்பிவிடுங்கள் 

மந்திரி நரி : ஆகட்டும் மன்னா 

சிங்கராஜா : அரசவை கலையட்டும் மீண்டும் சந்திப்போம் ,ம்ம்ம் யாரங்கே அந்தப்புரத்தில் ராணிகளை தயாராக இருக்க சொல்லுங்கள்